ᑭᑭᑎᒪᐃᑲᐃᐧᐣ ᒌ? ᑭᑭᐢᑫᔨᒫᐤ ᒌ ᐊᐃᐧᔭᐠ ᐁᑭᑎᒪᐃᐟ? ᑭᑕᑮᐃᐧᒋᐋᐤ ᐊᓇx

ᑭᑎᒪᐃᐁᐧᐃᐧᐣ ᐊᓂᒪ ᐊᐃᐧᔭᐠ ᐁᑮᑭᑎᒫᑫᔨᒥᐢᐠ ᒫᑲ ᑐᑕᑦ ᐁᑳ ᐁᒦᐁᐧᔨᑕᒪᐣ ᐋᐦᐳ ᐁᓭᑭᒥᐢᐠ, ᐁᑲᐢᑫᔨᐦᑕᒪᑦ, ᐁᑎᐯᔨᒥᐢᐠ, ᑕᐱᐢᑯᐨ ᑭᔭ ᑭᑐᒋᑲᐣ, ᐁᑲ ᓇᐣᑕᐤ ᐁᑭᑐᑕᒪᐣ, ᐁᑳ ᓈᐣᑕᐤ ᐁᐃᑕᐸᑎᓯᐘᐟx ᐊᑎᐦᐟ ᐅᐃ ᑲᑐᑕᑭᐠ

• ᐁᐸᓯᑫᐧᐅᐢᐟ, ᐁᐸᑲᒪᐅᐢᐠ, ᐁᑭᐱᐦᑐᓀᓂᐢᐠ, ᐁᓴᑭᐱᑎᐢᐠ, ᐁᐃᐧᑲᑌᐁᐧᐱᓂᐢᐠ, ᐁᑕᐦᑭᐢᑲᐢᐠ, ᐁᑭᐳᐦᑌᐢᑲᐢᐠ, ᑭᒐᐚᓯᒥᓴ ᒥᓇ ᑭᒉᒥᓯᓴ
  
  
• ᐁᐸᑲᒪᐅᐢᐠ, ᐁᑕᐦᑭᐢᑳᐢᐠ, ᐁᐲᑲᐧᑕᐊᕁ ᐲᒑᔨᕁ ᐚᐢᑲᐃᑲᓂᕁ ᓇᑭᐦᑕᑳᐤ, ᐃᐢᑲᐧᑌᑦ, ᐊᐱᐃᐧᓇ, ᐊᔭᓂᓴ
  
  
• ᐁᐊᓱᒥᐢᐠ ᓃᒫᐢᑵᐃᐧᐣ ᐅᐦᒋ, ᐁᑮᓯᐤ ᑭᑖᐸᒥᐢᐠ, ᐁᒨᑳᐲᐢᑖᐢᐠ
  
  
• ᐁᐄᐧᓂᐸᐃᓱᐟ ᐁᐃᑘᐟ
  
  
• ᐁᐊᓱᒥᐢᐠ ᑭᑕ ᒫᔨᑐᑖᐢᐠ, ᒥᓇ ᑭᒟᓯᒥᓴ, ᑭᑐᑌᒪ, ᑭᐚᑯᒫᑲᓇ, ᑭᒉᒥᓯᓴ
  
  
• ᐁᐅᑎᐦᑎᓂᐢᐠ
  
  
• ᐁᑳᑭᑎᒫᑭᒥᐢᐠ, ᓇᓈᑐᕁ ᐁᐃᓯᔨᑳᑎᐢᐠ, ᐁᐃᐧᔭᑿᑎᐢᐠ, ᐁᑌᑇᑎᐢᐠ
  
  
• ᐁᑭᑎᒪᑭᒫᐟ ᑭᒐᐚᓯᒥᓴ, ᑭᐃᐧᒉᐚᑲᓇ, ᐋᐦᐳ ᑭᑐᑌᐚᒪ
  
  
• ᐁᐯᔭᑵᔨᒧᐟ ᓲᓃᔮᐘ ᐊᐦᐳ ᐱᑯ ᑭᓲᓃᔮᒪ ᑳ ᑲᐢᑭᐃᒪᐟ
  
  
• ᑳᐦᑭᔭ ᑭᑿᐩ ᐅᐦᒋ ᐁᐅᒋᒫᐟ ᑭᒐᐚᓯᒥᓴ ᒥᓇ ᑭᔭ
  
  
• ᐁᑳ ᐑᑳᐨ ᑿᔭᐢᐠ ᑭᑿᐩ ᐁᑐᑕᒪᐣ ᑭᑏᑌᔨᐦᑕᒥᐃᐠ
  
  
• ᐁᐊᐘᑳᑎᐢᐠ ᑖᐱᑯᐨ ᐊᑐᐢᑫᔮᑲᐣ
  
  
• ᐁᑳ ᐁᑎᐯᔨᒥᓱᔭᐣ ᑖᐣᑌ ᑭᑌᑐᐦᑌᔭᐣ ᐋᐦᐳ ᑖᓂᓯ ᑭᑕ ᑐᑕᒪᐣ, ᑖᓂᓯ ᑭᑌᓰᐅᔭᐣ
  
  
• ᐁᑳ ᐁᐸᑭᑎᓂᐢᐠ ᐊᐃᐧᔭ ᑭᑕ ᐚᐸᒥᒪᐟ ᐋᐦᐳ ᑭᑕ ᐲᑭᐢᑳᐧᑎᒪᐟ
  
  
• ᐁᓀᐯᐃᐧᒥᐢᐠ ᐃᑕ ᐊᔨᓯᔨᓂᐘ ᐁᐯᐦᑕᒦᔨᐟ
  
  
• ᐁᑳ ᐁᐸᑭᑎᓂᐢᐠ ᑭᑕ ᓇᑲᑕᐟx
  
  

ᐊᐃᐧᓇ ᑳᑲᑳᐧᑕᑭᐃᐦᐟ?

ᑲᐦᑭᔭᐤ ᐃᐢᑵᐘᐠ ᐱᑮᐧᔨᑯᕁ ᐁᐃᐢᐱᑎᓰᒋᐠ ᓇᓈᑐᐦᑯᐢᑳᐣ ᐅᐦᒋ, ᐹᐲᑐᐢ ᐁᐃᐢᐢᐋᔮᒥᐋᒋᐠ, ᐁᐁᐧᔪᑎᓯᒋᐠ, ᐁᑭᑎᒫᑭᓯᒋᐠ, ᐅᑭᐢᑎᑫᐃᐧᔨᓂᐘᐠ, ᐅᑌᓈᐃᐧᔨᓂᐘᐠ, ᐋᐦᐳ ᐱᑯ ᑳᑭᑭᐢᑲᐚᐘᓱᒋᐠ ᐃᐢᑵᐘᐠ, ᓈᐯᐘᐠ, ᐊᐚᓯᓴᐠ, ᐅᐢᑳᔭᐠ, ᑫᐦᑌᐊᔭᐠ, ᐅᑭᒫᐘᐠ, ᐅᑕᑐᐢᑫᐘᐠ, ᑳᒫᐢᑭᓯᒋᐠ, ᐅᑕᔭᒥᐋᐘᐠ, ᑭᐢᑭᓄᐊᒪᐚᑲᓇᐠ, ᑫᐃᐧᒉᐘᑲᓇᐠ, ᑭᐚᑯᒫᑲᓇᐠ, ᑭᐄᐧᑕᐱᒫᑲᓇᐠ, ᑳᐄᐧᑭᐦᑐᒋᐠ, ᒧᓱᐢᑵᐘᐠ, ᑳᐁᐧᐱᓂᐦᒋᐠ, ᑳᐯᔭᑯᒋᐠ ᐃᐢᑵᐘᐠx ᐱᑳᐧᐃᐧᔭᐠ ᐋᐦᐳ ᐱᑯ ᑭᔭx ᓇᒫᐃᐧᔭᐠ ᑲᐢᑭᐦᑕᒫᓱᐤx

ᑖᓂᓯ ᒫᑲ ᑮᐢᐱᐣ ᑭᔭ ᑭᑭᑎᒪᐃᑲᐃᐧᐣ?

ᓇᒧᔭ ᑭᔭ ᑭᑐᒋᑲᐣx ᓇᒧᔭ ᑭᑲ ᑮᓇᑭᓀᐣx ᓇᒧᔭ ᑭᑲᑮᑵᐢᑭᓈᐤ ᐊᓇ ᑲᑎᒪᐃᐢᐠx ᐃᐧᔭ ᐱᑯ ᑭᑕ ᑮᐳᓂᐦᑖᐟ, ᒫᑲ ᐱᑯ ᑭᑕ ᐲᐧᒋᐃᑲᐃᐧᔭᐣx ᐱᑯ ᓈᐣᑕᐤ ᑭᑌᑖᒧᔭᐣx ᐃᐦᑕᑯᐘᐠ ᐊᔨᓰᔨᓂᐘᐠ ᑭᑕ ᐄᐧᒋᐃᐢᑭᐠ ᒥᓇ ᑭᑕ ᓇᑐᐦᑖᐢᑭᐠx ᐲᑭᐢᑳᐧᐢ ᐊᐃᐧᔭᐠ ᐁᒪᒥ ᓯᑐᑕᐘᐟ ᑭᐄᐧᒉᐘᑲᐣ, ᐊᐃᐧᔭᐠ ᐁᐚᐦᑯᒪᐟ, ᒪᐢᑭᐦᑭᐃᐧᔨᓂᐤ, ᒪᐢᑭᐦᑭᐃᐧᐢᑵᐤ, ᐅᐃᐧᒋᐦᑕᓱᐤx ᓭᐁᐧᐱᑕᒪᐤ ᐊᓂᑭ ᑳ ᑭᑎᒪᐃᒥᐦᐟ ᑳᐃᐧᒋᐋᒋᐠ, ᐊᑭᐦᑖᓱᐣ ᑭᑲ ᒥᐢᑫᐣ ᐃᑕ ᑳᔮᔮᐣ "Hot Peach Pages" ᐃᑕᓯᓇᐃᑳᑌᐤ ᐃᑕ ᒥᐢᒋᑯᐘᒋᐢ ᑳᒋᑳᐢᑌᑎᐠx ᐲᒋ ᓭᐁᐧᐱᒋᑫᐤ ᒪᓯᓇᐃᑲᓂᕁ "SaskTel/DirectWest" ᐃᑕᐢᑌᐤx ᐊᑲᒣᔨᒧᐤ ᑭᑕ ᒥᐢᑲᒪᐣ ᐃᑕ ᑭᑕ ᐃᐧᒋᐃᑲᐃᐧᔭᐣ, ᐱᔨᐢᐠ ᑭᑲ ᒥᐢᑫᐣx

ᑮᐢᐱᐣ ᐊᐃᐧᔭᐠ ᑭᑎᒪᐃᐦᐟ ᐁᑭᐢᑫᔨᒪᐟ?

ᓇᑕᐁᐧᔨᐦᑕᒷᐠ ᑭᑕ ᐳᓂ ᑭᑎᑦᐃᒋᐠx ᓇᑕᐁᐧᔨᐦᑕᒷᐠ ᑭᑕ ᑭᐢᑫᔨᐦᑕᑭᐠ ᒥᓇ ᑭᑕ ᓰᑐᐢᑳᒋᐠ ᑭᐥᐆᐦᒋ ᐃᐧᒋᐃᓱᒋᐠx ᑭᑕ ᑌᐯᔨᒧᒋᐠ ᑭᑕ ᑕᐸᓰᒋᐠ ᒥᑐᓂ ᐊᔨᒪᐣ ᒥᓇ ᑲᑵᐢᐱᓈᑕᐣx ᓇᒧᔭ ᑲᑖᐨ ᐊᐃᐧᔭᐠ ᑭᑕ ᐯᔭᑯᐦᑲᒫᑐᐟ ᐁᑲᑲᐧᑕᑭᐃᐦᐟ ᑭᑕ ᓇᑲᑕᐦᐠx ᑮᐢᐱᐣ ᑭᑭᐢᑫᔨᒫᐤ ᐊᐃᐧᔭᐠ ᐁ ᐁᑲᑳᐧᑕᑭᐃᐟ, ᑭᐢᑫᔨᑕᒧᐃᐠ ᐁᑭᑎᒫᑭᓇᐘᒋᐠ ᒥᓇ ᐁᐃᓋᑐᐦᑕᐘᒋᐠx ᐑᐦᑕᒪᐤ ᐊᐃᐧᔭ ᑭᑕ ᐑᒋᐃᑯᒋᐠ ᐁᒪᒥᓰᑐᑕᐘᒋᐠ, ᒪᐢᑭᐦᑭᐃᐧᔨᓂᐘ, ᒪᐢᑭᐦᑭᐃᐧᐢᑵᐘ, ᐅᐃᐧᒋᐃᐁᐧᐘ, ᓴᒫᑲᓂᓴx ᓇᑐᓇᒪᐤ ᐃᐧᒋᐃᑯᐃᐧᓇ ᑳ ᒪᓯᓇᐃᑳᑌᑭ ᐃᑕ ᑳᔮᔭᐣ, "ᐅᐟᐯᐊᐨᐦ ᐸᑫᐢ" ᐃᑕᐢᑌᐤx ᐚᐸᐦᑕᐃᐠ ᐃᑕ ᑕᒥᐢᑲᒥᕁ ᒥᐢᒋᑯᐘᒋᓯᐠ ᑳ ᒋᑳᐢᑌᑎᐠ ᐃᐧᒋᐃᑯᐃᐧᐣ ᑳᑭᑎᒪᐃᒋᐠ ᐅᐦᒋ ᐁᑿ ᒥᓇ "ᓴᐢᐠ ᑌᓬ" ᓭᐁᐧᐱᒋᑫᐤ ᒪᓯᓇᐃᑲᓂᕁx

ᑮᐢᐱᐣ ᐊᐃᐧᔭᐠ ᑭᑭᑎᒪᐋᐤ
ᐃᐦᑕᑯᐤ ᐊᐃᐧᔭᐠ ᑭᑕ ᐄᐧᒋᐢᐠ ᑮᐢᑕ ᒥᓇ,
ᑌᑇᐢ ᐊᓂᑭ ᑳ ᒪᓯᓇᐃᑳᓱᒋᐠ ᑭᑕ ᐃᒔᐃᐢᑭᐠ
ᐋᐦᐳ ᓭᐁᐧᐱᑕᒪᐤx