EarthWords: Abuse information in many languages ʔąłnedhe haze, t´ahúk´e ną́dher sí ʔasíe hots´én danįt´a húsą́, danelʔa húsą́ ?
                UniCode display problems?

Dene dǫnt´i ʔasíe hot´á danet´a sį:

  • nukár híto, nult´us híto, nek´ázé darílchu híto, nut´eth ʔú dzénedaí ʔú, nedánáts´edher híto dé danelʔa hąt´e sį

  • ʔasíe bek´e ną́dher horį́lʔį híle dékúlí nełtsi haníldhen dé

  • ʔasíe lánets´edi híle ʔú, nenadózet´á, kútth´i nets´én ts´ízíl dé

  • Dene łeghárę́stthi ha néłnį dé tth´i danelʔa lą́t´e hąt´e sį

  • kóęt´a kúlí nągha haníldhen híle híto, nets´énį náyałti híto, ʔasóyełnį dé

  • ch´oghelnį híto bedzié nágheda hot´á, honełnį́ hok´e nádher lądé

  • hosłįne chu edlelé habazį́ hok´étł´á hok´enǫ́dher nenedhen dé, nen horįlʔį híle dé kúlí

  • sech´a neghá haduwé hąt´e sį nét´s´édi dé.


Dene hotié neghąnetą nįdé nets´én dǫnt´ú ghegal ha híle nįsį:
  • nen ta nįdhen sí horéltth´ą híle

  • hoʔų́zé tthenį hots´én bél hųlnį dé kúlí horelyų dene hél kódi

  • ch´ą́nįdhen

  • bél yanełti dé kúlí noréłtth´ą híle hahų́łtthen

  • Dene nįzį horį́ją hanį́łtthen

  • t´ąt´i yú beyénądher dą́li hoghą norełker.


Dene kóę hoʔą hotié bek´ésoredli lądé, Dene:

  • ʔatié ʔełorétth´ą hél, dene bedzié ʔestonét´įne theʔą halye hoch´á boghedi

  • ʔąła ʔasíe holé tth´i beghą horélyą hél denenį́ nezǫ

  • ʔełétth´ath híle hél ʔatié ʔełts´énts´edi

  • t´ą ʔasíe haze bet´á beba horelyą sí bek´ésozedli

  • néts´énį the nį́łtí

  • behech´ąnįę ʔú, bélot´įne ʔú, bets´énį dąlį bek´ésoredli


Kú nen danelʔa dé ?

Įłághę́ kúlí eją nįhok´e daghelʔa hél ghena hoʔą híle sį. Kúlí t´ą dene danįłʔa nisí nen tthene ʔeładųne hanele haduwé sį. ʔedįne hharé benį́ naréʔą dézą sį. Kúlí nets´édi ha jorįké ʔį́ hąt´te sį Dene łą nets´ény walí sí nadé hąt´e sį, dene ts´enį híto, naídíe k´ó1yą dené hito, eya hok´élnį dené híto, eritł´ís kóę sekwi hél dayałti dené dąlį́ nadé sį nets´én danį́ hoba. Eyi hot´a t´ahúk´e dene darálʔa bets´édi hok´é hoʔą hots´én yaghųłti. Beyághe yati hot´s´į hultá eyi dene ha theʔą hąt´e sį, SaskTel/DirectWest bets´į eritł´ís beyé. Dene neghą netą nįdé danį́t´a hanúłtthį́ híle nįsį


Kú įłághę ta nets´énį daghelʔa honédí nįdhen dé ? Híto ʔedįnį tth´i dene daghełʔa dé hoba ?

Eją nį́ hok´e dene tthen hots´én danet´a híto daghelʔa haʔą híle sį. Kúlí dene daghelʔá dé dene hél ʔedeghą holnį hoba hórenį híle sį horę́ją hot´á. Kúlí dene bets´énenį híto įłą́ghe ta dene t´ą t´órįltther walí nįdhen sí beba bél yaghųłti, naídíe k´ó1yą dené hito, eya hok´élnį dené híto, eritł´ís kóę sekwi hél dayałti dené híto dene náłtsi dené. Hot Peach húlye diri tsątsą́né bet´a eritł´ís holé bek´e t´ąt´ú Dene bets´édí walí sí beghą dene hoghą náyati nų́ʔá. SaskTel/DirectWest tth´i bet´s´į eritł´ís beyé beghághe yati ts´į hultá theʔą sydene hoba.


Nen dene daghįłʔa dé, nen tth´i nets´édi ʔį́ hąt´e sį. T´ahúk´e hots´én néts´édi hasí bets´én yaghų́łti, beyághe yati eritł´ízé yé híto tsą́tsą́né beyé honį néręlya beyé honį bekánųtá..



Teens, are you in an abusive or unhealthy relationship?
(English)

Elaine Hay translated this document from English into Dene (which included a donation of some of her time), and CaNetiq transcribed from Elaine's hard-copy to this page. CaNetiq is not responsible for the quality of the translation. The contribution of the Government of Saskatchewan through the Saskatchewan Women's Secretariat is also acknowledged.