Kikiskeyimāw cī awiyak ekitimahit? Kitakīwicihāw ana.

Kitimahiwewin anima awiyak ekīkitimākeyimisk māka totam ekā emīweyitaman āhpo esekimisk, ekaskeyihtamam, etipeyimisk, tapiskoc kiya kitocikan, eka nantaw ekitotaman, ekā nāntaw ehitapatisiwat. Atiht chi katotakik

• epasikwehost, epakamahosk, ekipihtonenisk, esakipitisk, ewikatewepinisk, etahkiskāsk, ekipohteskāsk, kicawāsimisa mīna kicem isisa
  
  
• epakamahosk, etahkiskāk, epīkwatahahk pīcāyihk wāskahikanihk nakihtakāw, iskwatem, apiwina, ayanisa
  
  
• easomisk nīmāskwewin ohci, ekīsiw kitāpamisk, emōkāpistāsk
  
  
• ewīnipahisot ehitwet
  
  
• easomisk kita māyitotāsk, mīna kicwāsimisa, kitotema, kiwākomākana, kicemisisa
  
  
• eotihtinisk
  
  
• ekākitimākimisk, nanātohk eisiyikātisk, ewiyākwatisk, etepwātisk
  
  
• ekitimakimāt kicawāsimisa , kiwicewākana, āhpo kitotewāma
  
  
• epeyakweyimot sōnīyāwa ahpo piko kisōnīyāma kā kaskihimat
  
  
• kāhkiya kikway ohci eocimāt kicawāsimisa mīna kiya
  
  
• ekā wikāc kwayask k ikway etotaman kitīteyihtam ihik
  
  
• ehawakātisk tāpikoc atoskeyākan
  
  
• ekā etipeyimisoyan tānte kitetohteyan, āhpo tānisi kita totaman, ātānisi kitesīhoyan
  
  
• ekā epakitinisk awiya kita wāpamimat āhpo kita pīkiskwātimat
  
  
• enepewimisk ita ayisīyiniwa epehtamīyit
  
  
• ekā epakitinisk kita nakatat.
  
  

Kahkiyaw iskwewak pikwīyikohk eispitisīcik nanātohkoskān ohci, pāpītos eis'āyāmihācik, eweyotisicik, ekitjmākisicjk, okistikewiyiniwak, otenāwiyiniwak, āhpo piko kākikiskawāwasocik iskwewak, nāpewak, awāsisak, oskāyak, kehteayak, okimāwak, otatoskewak, kāmāskisicik, otayamihāwak, kiskinohamawākanak, kewicewakanak, kiwākomākanak, kiwītapimākanak, kāwīkihtocik, mososkwewak, kāwepinihcik, kāpeyakocik iskwewak. Pikwāwiyak āhpo piko kiya. Namāwiyak kaskihtamāsow.

Namoya kiya kitocikan. Namoya kika kīnakinen. Namoya kikakīkweskināw ana katimahisk. Wiya piko kita kiponihtāt, māka piko kita wīcihikawiyan. Piko nāntaw kitetāmoyan. Ihtakowak ayisīyiniwak kita wīcihiskik mīna kita natohtāskik. Pīkiskwās awiyak emamisitotawat kiwīcewakan, awiyak ewāhkomat, maskihkiwiyiniw, maskihkiwiskwew, owicihtasow. Sewepitamaw aniki kā kitimahimiht kāwicihācik, akihtāson kika misken ita kāyāyan "Hot Peach Pages" itasinahikātew ita miscikowacis kācikāstetik. Pīci sewepicikew masinahikanihk "SaskTel/DirectWest" itastew. Akameyimow kita miskaman ita kita wicihikawiyan, piyisk kika misken.

Nataweyihtamwak kita poni kitimhicik. Nataweyihtamwak kita kiskeyihtakik mīna kita sĺtoskācik kit'ōhci wicihisocik. Kita tepeyimocik kita tapasīcik m itoni ayiman mīna kakwespinātan. Namoya katāc awiyak kita peyakohkamātot ekakwatakihiht kita nakatahk. Kīspin kikiskeyimāw awiyak e ekakwātakihit, kiskeyitamohik ekitimākinawacik mīna ewinatohtawacik. Wīhtamaw awiya kita wīcihikocik emamisītotawacik, maskihkiwiyiniwa, maskihkiwiskwewa, owicihiwewa, samākanisa. Natonamaw wicihikowina kā masinahikāteki ita kāyāyan, "Hot Peach Pages" itastew. Wāpahtahik ita tamiskamihk miscikowacisik kā cikāstetik wicihikowin kākitimahicik ohci ekwa mīna "SaskTel/DirectWest" sewepicikew masinahikanihk.

Kīspin awiyak kikitimahāw
ihtakow awiyak kita wīcihisk kīsta mīna.
Tepwās aniki kā masinahikāsocik kita wicihiskik
āhpo sewepitamaw.